5 Sentyabr tarixində “Peşəkar İdarəçilik və Karyera” təlimi növbəti qrup idarələr və rəhbərlər üçün New Baku Hotel.də keçirildi. 8 saat ərzində fərqli firmaların rəhbərləri ilə idarəçiliyin əsasları, ölkəmizdə karyera qurmaq, peşəkar inkişaf və biznesin məqsədləri kimi mövzularda danışdıq.
Təlimdə iştirak edən peşəkarların rəyləri yazılı şəkildə və original formalarında aşağıda qeyd edilmişdr.
Salam, Fəxri bəy.
Təlimə görə Sizə bir daha təşəkkür edirəm. Şəxsən mənim üçün bu təlim çox faydalı oldu. İdarəçilik əslində nədir? Bu işdə ən vacib məsələlər hansılardır? Rəhbər, iş adamı özündə lazımi vərdişləri necə formalaşdırmalıdır? Tabeliyində olanlarla necə davranmalıdır? Hətta hansı kitabları oxumalı, hansı filmlərə baxmalıdır? Bunlar öyrəndiklərimin yalnız bir qismidir. Apardığım qeydləri hər gün təkrar-təkrar vərəqləyir, işimdə tətbiq etməyə çalışıram.
Zənnimcə uğur qazanmaq istəyən, işinin peşəkarına çevrilmək istəyən hər bir işgüzar şəxs, xüsusən də orta və yüksək menecment nümayəndələri mütləq bu təlimlərdə olmalıdırlar.
Təlimdə alınan informasiyalar çox vacibdir. Ən vacib olan isə şəxsi nümunənizlə təlimə gələnlərə aşıladığınız inam hissidir. Təlimdən çıxanda məndə belə bir möhkəm inam var idi ki, hər bir şəxs nail ola biləcəyi uğur dərəcəsini özü müəyyənləşdirir.
Uğur – özünü, öz vərdişlərini idarə etməkdən, həyatını nizama salmaqdan başlayır və daim öz üzərində işləməklə əldə edilir.
Bu təlimlərdə daha çox iş adamının iştirak etməsi lazımdır. Çünki bu, ümumilikdə ölkədə biznesin yeni bir səviyyəyə yüksəlməsi üçün çox faydalı olar.
Növbəti təlimlərdə iştirak etmək ümidi ilə…
Şahin Əliyev
DOST Agentliyinin İctimaiyyətlə əlaqələr və kommunikasiya departamentinin direktoru
Peşəkar idarəçilik TƏLİMİ (təlim haqda məlumat almaq üçün yazının üzərinə klikləyin)
Hörmətli Fəxri bəy,
Peşəkar karyera və idarəçiliyin əsasları haqqında təşkil etdiyiniz təlim kursu üçün Sizə təşəkkür edirəm.
Bildirmək istərdim ki, təlim zamanı təqdim olunan məlumatlar idarəçilik bacarıqlarının formalaşmasında olduqca faydalı və təsirlidir. Ona görə ki, bütün qeyd olunanlar illərlə qazanılmış praktiki biliklərdir ki, onların kitab və ya internet resurslarından oxunub əldə olunması qeyri-mümkündür. Təlimin digər özəlliyi isə fərqli sahələrdə fəaliyyət göstərən mütəxəssis və idarəçilərin anlaya biləcəyi tərzdə mükəmməl təqdimat formasıdır.
Öz adıma deyə bilərəm ki, təlim həm peşəkar fəaliyyətimdə, həm də yaşam tərzimdə müsbət istiqamətdə dəyişikliklərə səbəb oldu. Mənim üçün ən əsas təsiri isə karyera inkişafımda hədəflərimi daha aydın görməyimi və bu istiqamətdə atacağım addımlardan daha da əmin olmağımı təmin etməsidir.
Təlimin interaktiv formada təşkili təkcə mənim deyil, digər iştirakçıların da indiyə qədər ağıllarına belə gəlməyən malik olduqları və ya malik olmaq istədikləri peşəkar keyfiyyətləri haqqında fikirləşmələrinə zəmin yaratdı.
Təlimin idarəçilik sahəsində karyera inkişafına və şəxsi effektivliyə müsbət yöndə təsiri qaçılmazdır.
Sizə gələcək işlərinizdə uğurlar arzulayır və biliklərinizdən faydalanmaq ümüdi ilə gələn təlimlərədək…
Ağayev Hüseyn
Keyfiyyətin İdarəolunması Mütəxəssisi
Ölkəyə yeni dönən və mühit disbalansinin yaratdığı çaşqınlıq içərisində nəyharadan başlayacağını bilməyən, amma enerji dolu, özünə çox inanan bir gənc düşünün. Digər tərəfdə isə “Peşəkar karyera və inkişaf” təlimi – içərisində Azərbaycan iqtisadiyyatı, gələcək illərdə mütəxəssislərin iş durumu, əsl mütəxəssisin kimliyi, idarəçiliyin alt qatlari, təcrübə və biliyin real mənalari, sağlamlıq, dəyərlər, zaman, nitq, şəxsi brendinq mövzularında Fəxri müəllimin zəngin bilik və təcrübə xəzinəsi. Hansı ki, bu bilgini təkbaşına əldə etmək istəsən yüzlərlə kitab və illərlə dolu-dolu keçən bir iş həyatı yaşamaq tələb olunur.
Əminəm ki, bu təlim qatılan hər kəsin həyatında qısa və ya uzunmüddətli müəyyən bir toxunuş edib. Amma mənim həyatımda daha uzun bir yolun başlanğıcı olduğunu qətiyyətlə deyə bilərəm.
Evə dönərdonməz həmən qarşıma bir A4 kağız hazırlayıb SVOT analizinə başladım. İdarəçi və mütəxəssis olaraq ayrı-ayrılıqda zəif və güclü tərəflərim, imkan və maneələrimi yazılı olaraq bir daha gözdən keçirdim. Nəticədə çalışma masamın üst hissəsində qarşıdakı 3 il ərzində oxuyacagim kitablar, mükəmmələ çatdırmağım gərəkən bacarıqların siyahısını və deadline zamanlarını, eləcə də şəxsi brendinq addımlarını yazıb asdım. Çox böyük ümid edirəm ki, 3 il sonra adını iş dünyasına çatdırmağı bacarmış bir gənc olaraq bu təlimə yenidən qatilacam və öz təcrubələrimi paylaşacam.
Yol boyu bunu düşündüm: Fəxri müəllim mənə görə addım-addım öyrənilməsi gərəkən bir liderdir.
Sizə hər şeyə görə dərin təşəkkürlərimi bildirirəm !
Hörmətlə,
Fidan Əliyeva
Məlumatlandırma
YOUTUBE KANALIMDA (https://www.youtube.com/fahriagayev) biznes, idarəçilik, peşəkar inkişaf kimi mövzularda videolarımı izləyə bilərsiniz. Abunə olun ki, yeni videolar haqda məlumatlar Sizə göndərilsin