27-28.05.2016 tarixində keçirləcək Milli Marketinq Forumuna dəvət alanda düşünmdən təsdiq cavabını verdim.
Mənim çıxışımın ilk gündə və ilk paneldə olduğunu bildikdən sonra Anar bəydən ilk mənim çıxışımın xahiş etdim və hazırlıqlara başladım. Mənim çıxışım “Böhran dövründə marketinq strategiyaları” panelində olacağından və idarəçi olduğuma görə mən çıxış mövzusu olaraq “Böhran dövründə idarəçilərin şəxsi və peşəkar xüsusiyyətləri” haqqında danışmağı seçdim.
Coffee break-lərdə isə uzun zamandır görüşməyi planlaşdırdığım dostlarla da görüşdüm və mənimlə şəkil çəkdirmək istəyən gənclərlə brand wall önündə bol bol şəkil çəkdirdik. Məni koridorda və salonda tutanlardan hətta selfi çəkənlər də oldu :)
Hər paneldə fərqli sahələrdən gələn mütəxəssislər şəxsi təcrübələri və beynəlxalq sahədən məlumatları iştirakçılarla paylaşdılar.
Salonun giriş hissəsində forum təsisçilərinin kitabları satışı da təşkil edilmişdir. Çox sevindirici haldır ki, Azərbacyanda artıq öz peşəkarlarımızın da kitabları dərc olunmağa başlayıb.
Bu kimi tədbirlərin bütün sahələrdə davam etməsini çox istəyirəm, çünki ölkəmizin güclənməsi üçün toplanan təcrübə və biliklərin paylaşılması və yayılması vacibdir. Milli Marketinq Forumunun irəlidəki illərdə də davam etməsini və ildən ilə nailiyyətlərinin və İlkin bəyin dediyi kimi, riyazi göstəricilərinin artması və güclənməsini arzulayıram.
Mənim çıxışım
Ilk paneldə açılışı edən moderatorumuz Anar bəyin kiçik təqdimatından sonra mənim çıxışım başladı. Forumda olmayan insanların da məlumatlarının olması üçün çıxışımın mətnini burda yerləşdirirəm.
Çıxışımın mətni
Milli Marketinq Forumunda spiker olaraq bu mənim ikinci iştirakımdır və belə məsuliyyətli tədbirə məni dəvət etdiklərinə görə təşkiltaçılara təşəkkürümü bildirirəm.
Çıxışıma başlamadan öncə mənim peşəkar həyatımla əlaqədar bir yenilik haqqında məlumat vermək istəyirəm.
Özüm haqqımda 1 cümlə ilə məlumat vermək istəyirəm.
Peşəkar idarəçi Biznes təlimçi Bloqqer İdmançı
Biznes konsultant Motivational spiker Yazıçı
Bütün bu sahələrdə fəaliyyət göstərməyimə baxmayaraq uzun müddətdir həm də….. peşəkar işsizəm. Dostlarım mənə “Niyə işləmirsən?” sualını verəndə cavab verirəm ki “İnan o qədər işim gücüm var….. İşləməyə vaxt tapmıram” :)
Bir holdinqdən təklif aldım. Azərbaycanda və xaricdə otelləri, restoranları, yaşayış məkanları, əyləncə və idman mərkəzləri, böyük inşaat layihələri olan AAAF Holdinqin təklifini qəbul etdim.
1 iyun tarixində holdnqdə İdarə Heyəti Sədri Müavini vəzifəsində işləməyə başlayacam.
Bu gün biz Sizlərlə bərabər “Azərbaycan biznesinin neçə yaşı var?” sualının cavabını verəcəyk və mən, böhran dövründə idarəçilərin şəxsi və peşəkar xüsusiyyətləri haqqında danışacam.
Böhrandan öncə olan dövrü təsəvvür edin. Nostalji yaşayaq biraz Sizlərlə
Güclü manat. Zəyif dollar – 78 qəpik.
Antalyanı biz Nabrandan daha yaxşı tanıyırıq, çünki Antalyada 10 gün istirahət etmək Nabranda 3 gündən daha ucuzdur
Azərbaycanda hərkəs…. Prado və Pajero sürür
Almanya dağılır :)
O zamanlarda şəxsən qarşılaşdığım 3 hadisə.
1.ci Hadisə İnşaat sektorunda işləyən şirkət. Aylıq dövriyyəsi 500.000 AZN.
Şirkət sahibinə sual verirəm : Müştəri xidmətləri, Maliyyə, Marketinq, Reklam, PR mütəxəssisləri var mı?
Reaksiya – niyə ARTIQ xərc çəkim?
2.ci Hadisə Ölkədə tanınan geyim firması. Müştəri toplu çox alış veriş edir və ona xidmət edən satış mütəxəssisinə “Mənə endirim edər misiniz? Mən Sizdən bu qədər alış veriş etmişəm?” deyə xahiş edir.
Aldığı cavab : “Edə bilmərik. Bizim Sizin kimi 20.000 müştərimizi var.”
3.cü Hadisə Mağazalar şəbəkəsi. 18 ay ərzində 4 dəfə böyümə planı var. Mağaza satı artacaq.
Sual verirəm şirkət rəhbərinə : “Bu dövr üçün inkişaf strategiyası, xərclərə nəzarət sistemi, satıcıların və idarəçilərin yetişdirilməsini nəzərə aldınız mı?”
Cavab : “Bizim bu işlərə indi vaxtımız yoxdur.”
Böhrandan öncə ölkədə bir kran var. Neft kranı
İqtisadiyyata, biznesə, idarəçilik tərzi, müştəri davranışları və seçimlərinə
istiqamət verən məhz bu kran idi.
Neft gəlirləri artırdı – biznes artırdı
Ölkədə məhsul istehsal etmək, onu xaricdən gətirməkdən daha bahalı idi və buna görə də sahibkarlar və investorlar yerli istehsalata maraqları olmurdu
Şirkətlər böyüyürdü, amma təhlükəli vəziyyət yaranırdı –firmaların böyüməsi və onu idarə edən insanların nəzəri bilikləri, təcrübə və bacarıqları artımı eyni sürətdə deyildi
Şirkətlər, öz böyümələrini həzm edəcək gücdə deyildilər.
Sadə misal – Bir şirkət 3 mağazadan 20 mağazaya qədər artırdı – amma idarəçilik 3 mağaza səviyyəsində idi
Şirkətlər üçün 2 şöbə vacib idi – satış və mühasibatlıq : pul gətirən və pul sayan.
Idarəçilərin təyin olunması və “inkişafı” da biznesin inkişafı kimi sürətli, nəzarətsiz və sistemsiz idi.
“3 il burda oturdunsa, idarəçi ola bilərsən”
“Bu indiyə qədər bizə dözüb. Sağolsun. Müdir təyin edək onu.”
“Və… Azərbaycanda ən yayğın peşə : “yaxşı oğlan”. Qohumdur, dostdur, yerlidir – yaxşı oğlandır. İşləyə işləyə öyrənəcək.”
Karyera inkişafı və peşəkar inkişaf sözləri qarışdırılırdı. Insan bir üst vəzifəyə peşəkar hazır olmadan karyerası inkişaf edirdi və vəzifəyə təyin edilirdi.
Nəticədə isə Peşəkar olmayan idarəçi özünə təhlükə ethimalı var deyə komandasına güclü mütəxəssisləri toplamamaqla bərabər həm də avtoritar idarəçilik tərzi seçirdi.
Ümumi mənzərə isə belə idi
Biznes, şirkətlər, idarəçilər, müştərilər komfort zonasında idilər.
Bunun daim davam edəcəyini düşünürdük.
Və gözləmədiyimiz məqamda böhran gəldi.
Bir anda oyunun qaydaları dəyişdi. Və dəyişməyə davam edəcək, TAM dəyişənə qədər.
Bu dəyişikliklərə təsir edəcək 2 əsas amil var.
PUL kütləsinin az olması və müştəri davranışlarının dəyişməsi
- Iqtisadiyyatın sadə bir qanunu var – miqdarı azalan və ona qarşı olan tələbat artan əşyanın, məhsul və ya xidmətin qiyməti artacaq.
- Indi bizim ölkədə az olduğuna görə ən bahalı nədir ? Nəğq “PULDUR”. Pula sahib olan insan artıq 20.000-dən biri deyil, CƏNAB MÜŞTƏRİ
- Müştəri psixologiyası və davranış tərzi dəyişəcək : “consumerism”dən (yəni istehlakçılıqdan) rasional davranış tərzi və daha real həyat yaşayacaqlar.
Yeni dövrdə idarəçi hansı şəxsi və peşəkar keyfiyyətlərə malik olmalıdır? Yeni şərtlərdə idarəçi kimdir?
Insanları ruhlandıra bilən
Insanları sıfırdan yetişdirən
Komandası güclü olan
Minimum xərclə maksimum nəticə əldə edə bilən və DAİM xərcləri üzərində işləyən
Şirkəti ancaq bu gün üçün idarə edən deyil, həm də stratejik olaraq gələcək inkişafını düşünən
Müştərisini çox yaxşı tanıyan
Dinamik və daimi inkişafa meyilli
Müştəri xidmətləri, marketinq, maliyyə, reklam kimi hər şirkətin şahdamarı olan bölümlərə lazımi əhəmiyyət verən peşəkar
Və ən əsası : DÜRÜST!!!! peşəkar
Çünki bütün sahələrdə və səviyyələrdə dürüst idarəçilərə biz ölkə olaraq acımışıq və onlara böyük ehtiyacımız var
Çıxışıma başlayanda verdiyim “Azərbaycanda biznesin neçə yaşı var?” sualının cavabı isə budur : Neftin qiyməti azalmağa başladığı andan etibarən ölkəmizdə REAL biznes dünyaya gəldi.
Azərbaycanda biznesin 2 yaşı var.
Və bizlər, peşəkar idarəçilər….. dürüst peşəkarlar bu 2 yaşlı biznesimizi bir yerdə ortaq zəhmətimizlə böyüdüb başa çatdırmalıyıq.
Diqqətiniz üçün təşəkkür edirəm….
Maraqlı blogdur əziyyət çəkib bunlari yazaraq bizə bir növ fikri dəstək oldugunuza görə təşəkkürlər