Fəxri müəllimi ilk dəfə qiyabi olaraq 2015-ci ilin payızında tanıdım.Onun Sumqayıt Gənclər Evində verdiyi seminarda yaxınlarım da iştirak etmişdi. İşimlə əlaqədar olaraq mən seminara qatıla bilməmişdim. Seminardan sonra hamı bir -ağızdan o qədər xoş təsuratlar bölüşdü ki, çox şey qaçırdığıma təəssüfləndim. (doğrudan da belə idi). Youtube portalında bu insanın seminarlarını izlədim, çıxışlarına qulaq asdım. O zaman tam dolğunluğu ilə dərk etmədim dediklərini, bəlkə də zamanı deyilmiş.. Hətta bir neçə dəfə sosial şəbəkədə aramızda müəyyən fikir ayrılığı da yaranmışdı.
2016-cı il iyunun 5-də Fəxri müəllimin işə qəbulla bağlı müsahibəsində oldum. Mənə elə gəldi ki, artıq 90 faiz işə götürüləcəm… Hər halda mənim üstünlüyüm var ki, altı il dövlət işində stajım var.. Suallara “Dolğunluqla” cavab verdim, Fəxri müəllim “Razı qaldı”.. Cavab gəlməyincə isə ağlıma gələn ilk fikir : “ Bura Azərbaycandır….”
Və növbəti 2-3 ay ərzində “ Standart həyat tərzi”… Cavabsız CV-lər, hər gün iş axtarışları.. Günlərin bir günü artıq hər şeydən bezdim …və Qərar verdim ki, öz işimi özüm quracam.
Qurdum, bir neçə ay işlədim..Satış sahəsində təcrübə qazanmağa cəhd etdim. Ancaq ictimai sahədə işləyən biri üçün satışın necə ağır olduğunu anlayarsınız hər halda…
5 mart 2017-ci il tarixində dostluğumda təsadüf nəticəsində Fəxri müəllimin Astarada – dənizkənarı bulvarda olarkən çəkdiyi videosunu izlədim. Nədənini bilmirəm, amma bu video məndə tam fərqli təəssurat yaratdı. Sanki yuxudan ayıldım. Və Fəxri müəllimin bir neçə bu yöndə olan videolarını izlədim. (videoları youtube kanalımdan izləyə bilərsiniz – youtube kanalıma keçid üçün klikləyin). Ona təşəkkür məktubu yazdım. Yazdım ki, artıq həyat istiqamətimi dəyişmişəm. Kitab satışına başlamağım, bu yolda çətinliklərim, uğurlarım haqqında yazdım. Və Fəxri müəllimdən təklif gəldi ki, onun kitablarının satışı ilə məşğul olum. Sözün düzü bir az tərəddüd etdim. Çünki, bundan əvvəl bir neçə dırnağarası uğurlu yazıçı öz kitablarını “ sərfəli şərtlərlə” mənə satmağı təklif etmişdilər.
Şərtlər uyğun oldu və razılaşdım. Kitabın təbliğatını aparmaq üçün ilk öncə onu oxumaq lazım idi.. Açığı gözümə durmuşdu.. Çünki, bir yazar olduğum üçün ən çox bədii əsərlər oxumağı xoşlayırdım. Motivasiya, time menegment, biznes kitabları isə mənə görə çəkici deyildi. Və o günə kimi bu mövzularda bir dənə də olsun kitab oxumamışdım. Lakin hər iki kitab oxuduğum ilk səhifədən məndə maraq yaratdı.
“Fəxri yol” kitabından mən ən çox doğru qidalanma və sağlam həyat tərzi keçirmə ilə bağlı bugünədək bilmədiyim məlumatları öyrəndim, yalnış olduğunu bildiyim halda etdiyim səhvlərin mənə zərərlərini öyrəndim.. Son günlər artıq sağlam qidalanmağa, hər gün səhər idmanla məşğul olmağa başlamışam və ilk müsbət qığılcımları artıq görürəm. Səhhətimlə bağlı problemimin müsbət yöndə həllinə bu kitab vasitəçi oldu. Ən çox da bu kitabdan oxuyub riayət etməyə çalışdığım bir qayda var – əsl Azərbaycanlı kimi çay içməyə (ən çox da yeməyin üstündən dərhal sonra) meyl göstərirdim.. Son vaxtlar isə çayı su və ya kampot ilə əvəz etməyə başlamışam.
“Saxla Zamanı , Gələr Zamanı” kitabından isə mən “ Fəxri müəllim niyə məni işə qəbul etmədi?!” sualının cavabını öyrəndim.. Öyrəndim ki, uğura nail olmaq üçün çox çalışmaq,əziyyət çəkmək lazımdır. Sadəcə “6 il dövlət işində, inzibati işlərdə stajım var, bir çox şəhər səviyyəli tədbirlərin təşkilatçısı olmuşam” deyib öyünməklə deyil..
Bu kitabda ən çox xoşuma gələn bölüm aylıq, həftəlik, gündəlik planlamalar və “ Zaman oğruları” mövzuları oldu. Bu bölümləri oxuduqca öz – özümdə bir şeyi müəyyən etmiş oldum : “ Nə qədər zamanım boşa gedib.. Və mən bu zamanı doğru dəyərləndirsəydim…nələrə nail ola bilərdim…” Kitabın ilk müsbət təsiri bu oldu – sifarişləri ancaq Sumqayıta çatdırırdım. Bakıya isə çatdırmağa həvəs yox idi. Bakıdan on sifariş gəlirdisə, onun ikisi – üçü razılaşırdı ki, gəlsin Kitabları Sumqayıtdan götürsün..Uzağı biri poçtla göndərməyimə razı olurdu. Qalan altı sifariş itirdi.. Düşündüm : “ Hər həftə 6 sifariş, hər ay 24 sifariş qaçırmış oluram.. və bu kifayət qədər ciddi məbləğdir…Təmbəlliyimi bir qırağa qoydum. Bakı sifarişlərini çatdırmağa başlayandan bəri satışlarda aktivlik yarandı, müraciət edənlərin sayı ikiqat çoxaldı.
Rus və ingilis dilini öyrənməyə başlamışam artıq. Gündə müəyyən saatlarla planlı şəkildə dil bilgilərinin artırılması ilə məşğul oluram. Həmçinin rus dilində motivasiya tipli audiokitablar dinləyirəm..Və artıq bunu hər gün edirəm.Nəticə var- hər səfərində danışıq və anlama öncəkinə nisbətən daha sərbəst alınır. Hədəfim dil biliklərimi artırmaq və illərdir gözümdə dağa dönən Dövlət Qulluqçusu statusunu qazanmaqdır.. Həmçinin idarə etdiyim Online kitab satışını daha da genişləndirməkdir.
Bir şeyin şahidi oldum – Fəxri müəllimin kitablarını alanlar və almayanlar kimlərdir?
- Alanlar: Həyatda uğurun olduğuna inananlar, müəyyən zirvəyə nail olanlar , lakin bu zirvə ilə kifayətlənməyib daha da uğur qazanmaq istəyənlər.
- Almayanlar : “Bura Azərbaycandır…” , “Filankəsin bəxti gətirdi”, “ Yəqin adamı var” deyə düşünüb, uğurlu adamlara qısqanclıqla seyirci olan,diploma ümid bağlayıb evdə iş gözləyənlərdir.
Aydın Şahid- Sumqayıtlı gənc yazar,
“Sum Bookseller” kitab satışının təsisçisi.
Kitabı aşağıda yazılı olan ünvanlardan əldə etmək olar
1. Telefonla sifariş və ünvana çatdırma xidməti : 051.465.47.61
2. “Ali&Nino” Mağazalar şəbəkəsi
3. “Akademiya” kitab evi
4. Özsüt kafe. Atatürk parkı. Özsüt kafedən kitabı alan hər bir insana bir fincan kofe HƏDİYYƏ ediləcək.
5. Sumqayıt Təlim Mərkəzi, 4-cü mkr. Tarix muzeyinin yanın.Zəka Kitab evinin arxası, 055-204-82-30
6. Baku Roasting Company. Bu kafedən kitabı alan hər bir insana bir fincan kofe HƏDİYYƏ ediləcək.
7. Kitabevim.az