11794335_10153306690868649_7709184329567339469_o
Düşüncələrim Gördüklərim, eşitdiklərim Məqalələrim Sual və cavablar bölməsi

İŞ AXTARANLARA TÖVSİYYƏLƏRİM… DOSTLAR…. MÜTLƏQ OXUYUN..

Elan etdiyim vakansiya və ümumiyyətlə mənim işə götürmə xüsusiyyətlərim haqqında bir neçə qısa açıqlama vermək istəyirəm.
1. Mənə tapşırılan insanı QƏTİYYƏN işə almıram. Əgər onu kimsə mənə tapşırırsa, demək ki, heç nə bilmir ki, tapşırığa ehtiyac görür. Heç kimin haqqında girmək istəmirəm.
2. Mən bu insanları seçirəm, yetişdirirəm və şirkətlərə tövsiyyə edirəm. O insanların üzərində MƏNİM şəxsi təminatım var. Məsələ artıq onlar olmur – məsələ mənim şəxsi brendim və sözüm olur.
3. İşə aldığım və yetişdirdiyim insanlara görə isə TAM cavabdehlik daşıyıram.
4. “Yaxşı oğlandır”, “Nə desəniz edəcək”, “Hörmətcildir” kimi xüsusiyyətlər mənim üçün heç nə ifadə etmir.
5. Ağzını açıb özü haqqında 2 dəqiqə məlumat verə bilməyən insan necə iş tapacağını ümid edir – anlamıram. Danışa bilmirsinizsə -məşq edin. Bir insan öz bilik və bacarıqlarını mənə sata bilmirsə – şirkətin məhsul və xidmətlərini müştərilərə necə satacaq?
6. “Ofis işi “istəyənlərlə işim olmaz. Özüm səhər 6-dan gecəyə qədər işləyən insan kimi “ağ adam” işini istəyən insanlara üstünlük vermirəm. İşim üçün lazım olsa fəhləlik də edirəm, qulluq da.
7. Satışda işləmək AYIB DEYİL. Satış biznesin LOKOMOTİVİ və aparıcı qüvvəsidir. Satışda işləmək BÖYÜK təcrübədir və şərəfdir.
8. İlk öncə iş rejimi, saatları və maaşla maraqlanmayın. Səmimi məsləhətimdir. Təcrübəniz yoxdursa, Sizi işə alana qaşrı minnətdarlıq hiss edin – Sizə işi öyrədəcək, üstünə hələ pul da verəcək.
9. Mən karyeramı sıfırdan başlamışam, və bu günlərə gəlmişəm. “Sıfırdan” dediyim odur ki, ən dib vəzifələrdən. O günlərimə də minnətdaram. O dibdə olan pilləkanlar olmasaydı, bu gün buralarda olmazdım. İnsanlar tanıyıram ki, aylardır işləmir maaş bəyənmədiyinə görə.
10. Bir dəfə tələbələrimə sual verdim – kim burda bilir “əsl aclıq nədir?”. Heç kim bilmədi. Əgər əsl aclığın nə olduğunu bilmirsinizsə XOŞBƏXTSİNİZ. Mən isə bilirəm. Həftələrlə yad ölkədə imtahanlara hazırlaşanda, günlərlə ancaq pendir çörək yemişəm, resotranların yanından keçəndə içim burxulurdu İstanbulda. Hələ də türk restoranlarının və dönərçilərin yanından keçəndə ordan gələn qoxunu hiss edəndə içimdə o hiss doğulur – acizlik, zəyiflik, və güclü aclıq. Amma həm oxumalı idim, həm də işləməli idim. Həyat budur – mübarizə. Heç kimin Sizə yazığı gəlməyəcək. Durun və vəhşi kimi işləyin.

11794335_10153306690868649_7709184329567339469_o

10 comments

  1. Salam. Fexri muellim. Semimi sozleriniz tovsiyeleriniz ucun tesekkur edirem. Acligin ne oldugunu mende yaxsi bilirem.

    1. Salam Şahin bəy. Təşəkkür edirəm.
      İstərəm ki, bu hissi dünyada heç kim bilməsin….

  2. Mən sizi indi tanidim .ve sizi sevdim …məni motivasiya etdiz ..sizin o zaman kecirdiklerinizdə bir dogmaliq var..hər zaman sizi izləyəcəm

  3. Maraqli fikirlerdir. Hetta bir fikrinize “Like” duymesini axtardim, teessuf tapmadim )) “İnsanlar tanıyıram ki, aylardır işləmir maaş bəyənmədiyinə görə. ” Men de hazirda maawimdan razi deyilem. Amma sevinirem ki, iwleyirem, az-cox oyrenirem, ve oz qazancimi xercleyirem.
    Siz hansi sahede mutexessis hazirlayirsiniz onu anlamadim?

  4. Bele sablon sozleri cox esidib Bu camaat!!ondansa ishsiz aileli genclere komek ele sene qurban!yoxsa durub burda bag Bele-bostan Bele,

    1. Sözlər şablon deyil – REAL təcrübəmin nəticəsidir.
      Gənclərə köməyə gəlincə isə… Minlərlə gəncə indiyə qədər kömək etmişəm. Ehtimal var ki, Siz bilmirsiniz bunu

Leave a Reply

Your email address will not be published. Required fields are marked *